AMAPHOYISA ASE-ERMELO E-LOCAL CRIME RECORD CENTRE ATHOLE INDONDO EHLONISHWAYO
EZOMPHAKATHI
ERMELO – Isikhungo sase-Ermelo SAPS saLocal Crime Record Centre (LCRC) sisanda kumenyezelwa njengowine isifundazwe saseMpumalanga iCrime Category Record and Crime Scene Management ngesikhathi kuklonyeliswa amaphoyisa.
Leli thimba, elinamalungu ayisishiyagalombili, njengamanje lisebenzela iziteshi ezihlukene ezingama-22 kule ndawo.
Bamenyezelwe njengethimba lesikhungo sobugebengu lonyaka emkhakheni wabaseshi bophiko kanye nezokuphenya emiklomelweni yokugqwesa ka-2021/22.
Luitenant Colonel Moses Madlala.
ULuitenant Colonel Moses Madlala umeme abezindaba ehhovisi ukuzobukisa ngethimba labo elimangalisayo futhi bagcizelele ukubaluleka kokuvikela indawo yobugebengu kunoma yikuphi ukungcola.
Amalungu e-LCRC anomthwalo wemfanelo wokuqoqa ubufakazi endaweni yesigameko sobugebengu, kusukela ekuthatheni izithombe, ekukhipheni ama-cartridge, ukuya ekuthatheni izigxivizo zeminwe noma amasampula oketshezi lomzimba olushiywe endaweni yesigameko.
Amalungu asebenza ngomthetho wokuthi bonke ubufakazi kumele bubhalwe phansi ngaphambi kokuthi babususe endaweni yesigameko.