AMAPHOYISA ASE-MPUMALANGA AGXEKA UKUCEKELWA PHANSI KWEPAYIPI LIKAPHETHILOLI LAKWA-TRANSNET
EZOMPHAKATHI
Amaphoyisa aseMpumalanga akugxekile ukulimala kwengqalasizinda ebalulekile yakwaTransnet ngemuva kokuthi inkampani ilahlekelwe u-R800 000 ngenxa yokuvuza kukaphethiloli.
Izikhulu zithe abasolwa babhoboze ipayipi lale nkampani ngoLwesine, nokudale ukuvuza kukaphethiloli.
Iziphathimandla zithe lokhu kubeka engcupheni izimpilo zabahlali bakule ndawo.
Izikhulu zinxuse izakhamuzi ukuthi zigweme ukungcolisa ingqalasizinda ukuze ziphephe.
Amaphoyisa aseVosman basebenza kanzima benza konke okusemandleni abo ukuthola abasolwa ababandakanyeka ekulimaleni kwengqalasizinda ebalulekile yakwaTransnet okuholele ekulahlekeni kwenani elikhulu likaphethiloli kwalimala nepayipi
Okhulumela uMnyango uDonald Mduli: Ngaphandle kokulahlekelwa okudalwe ngabakwaTransnet, izimpilo zabantu zibekwe engcupheni enkulu. Izigebengu kufanele zikhumbule ukuthi sikhuluma ngophethiloli lapha, uma kwenzeka kwasha umhlaba ngephutha, sizolahlekelwa izimpilo zabantu abangenacala, mhlawumbe okubalwa nezihlobo zabasolwa.