BABANJWE OQOTSHENI ABATHATHU OKUHLANGABISA NONOGADA 'BEBA' IZINTAMBO ZAKWATRANSNET EDELMAS
EZOMPHAKATHI
Abasolwa abathathu bazovela enkantolo yaseMpumalanga ngemuva kwezinsolo zokuthi babanjwe oqotsheni beba izintambo zikaTransnet ngoLwesine.
Laba bobathathu, okuhlanganisa nonogada, batholakale ezintatha zangoLwesine eDelmas bekhipha amakhebuli.
Okhulumela amaphoyisa aseMpumalanga uBrig Selvy Mohlala uchaze ngokwenzekile.
“Abasolwa babonwe ngobuchwepheshe obusezingeni eliphezulu ngesikhathi kusolwa ukuthi bebesika amakhebuli angaphezulu kwaTransnet.
“Inkampani yonogada ebhekelele ukuvikela indawo yabikelwa, yabe isibiza amaphoyisa ngokushesha ukuze izoqinisekisa. Bobabili izikhulu zezokuphepha namalungu e-SAPS babekhona endaweni yesigameko.”
Abasolwa bavalwe ekhoneni kanti kusolakala ukuthi batholwe nezinyanda zezintambo zethusi ezingu-8, i-bolt cutter nezigxobo ezimbili zokhuni okungenzeka zisetshenziswe ukuxhuma izintambo.
Abasolwa, abaneminyaka ephakathi kuka-20 no-35, baboshwe bathweswa icala lokuphazamisa ingqalasizinda ebalulekile kanjalo nokutholakala nempahla okusolakala ukuthi yebiwe.
"Kulindeleke ukuthi bavele enkantolo yesifunda yaseDelmas ngoLwesihlanu," kusho uMohlala.