BAGWETSHIWE ABALISA ABABILI E-ERMELO
EZOMPHAKATHI
Inkantolo yesiFunda yase-Ermelo igwebe abalisa abathathu iminyaka eyishumi nanhlanu ejele ngecala lokubulala
Abesilisa abathathu okungu USifiso Welcome Mphuthi (owaziwa nangokuthi owaziwa ngoSomnyama), uBandile Ntuli (owaziwa ngoQondu) noLawrence Sibusiso Tshabalala (owaziwa ngoMangangane) bagwetshwe iminyaka engu-15 umuntu ngamunye eNkantolo yesiFunda yase-Ermelo.
Ngokusho kwamaphoyisa aseSakhile, u-Somyama ubevele egwetshwe iminyaka engu-17 ngecala lokubulala kanti eminye engu-15 izodonsa kanye kanye.
Izigilamkhuba zithweswe icala lokubamba inkunzi besebenzisa isihluku ngemuva kokugqekeza isango bangena ngo-Agasti 21, 2019.
Ngokusho kwamaphoyisa kuthiwa bashaye uBongumusa Cele bamkhomba ngommese bantshontsha nezimpahla. Kwebiwa i-CPU ne-monitor kanye nomakhalekhukhwini.
Ngemuva kwalokho amaphoyisa ababopha aphinde athola izimpahla.
Abasolwa banqatshelwe ibheyili ngemuva kokuvela enkantolo kanti bagcinywe esitokisini kusukela ngonyaka wango-2019.
USergeant Detective Dan Nomfenge ubengumphenyi.