I-NINGIZIMU AFRICA IZIMISELE UKUTHENGA AMANDLA ANGASIZA EKUQEDENI UKUCINYWA KUKA GESI.

Isimemezelo sePhini likaMengameli, uMnuz Paul Mashatile, silandela isixwayiso sakwa-Eskom sokuthi abantu baseNingizimu Afrika kufanele babhukule ubusika obunzima kunabo bonke, njengoba kungenzeka ukuthi ugesi unqamuke ku-Stage 8.

Iphini likaMengameli uPaul Mashatile uqinisekise abantu baseNingizimu Afrika ukuthi uhulumeni uzimisele ukuqeda ukucishwa kukagesi.

Isitatimende sikaMashatile silandela isexwayiso senkampani ephehla amandla kagesi elwayo sokuthi abantu baseNingizimu Afrika kumele babhukule babhekane nobusika obunzima kunabo bonke, njengoba kulindeleke ukuthi ugesi unqanyulwe ku-Stage 8.

U-Eskom uphinde wathi ukushoda kwabo kwamandla okukhiqiza kungenzeka kube yinto ekhona kuze kube u-Agasti.

UMashatile ubekhuluma ngesikhathi evakashele isikhungo sezolimo KwaZulu-Natal ngoLwesine.

Imiklamo eyahlukene yezolimo iqhubekile esifundazweni kodwa kwabanye, njengabafuyi bezinkukhu, ukunqanyulwa kukagesi kuphazamise amabhizinisi abo. Ezikhathini eziningi, uhulumeni wathi ukhuluma ngodaba lokunqanyulwa kukagesi, waze waqoka uNgqongqoshe omusha Wezogesi ngasekuqaleni kuka-2023.

Kodwa kubantu baseNingizimu Afrika lokhu akuzange kulethe injabulo enkulu, njengoba kwakuqhubeka nokunqanyulwa kukagesi.

UMashatile, uthe empeleni uhulumeni usebenza kanzima kulokhu. “Uhulumeni uzimisele ngokuthi amalambu ahlale ekhanya ngaphandle kokuthi aqoke uNgqongqoshe woMnyango kaGesi. Uyazi ukuthi sesimemezele ukuthi manje sesizoqala ukuthenga amandla ezimo eziphuthumayo.”