INKANTOLO YESIFUNDA YASE-LESLIE IGWEBE OWESILISA IMINYAKA ENGU-12 NGECALA LENKOHLAKALO
EZOMPHAKATHI
Thankiso Joseph Motaung (30) ubudala Mhla zingu-26 kuMbasa 2016, amalungu oKlebe Aphenya Ngobugebengu Obunzulu Bezohwebo oluzinze eMiddelburg alandelela imininingwane mayelana nomuntu owayesebenzisa umshini wokushushuluza (skimming device) e-Leandra off-ramp tollgate ku-N17 e-Leslie.
Ithimba loKlebe lihlangene nabaphenyi abazimele bakwa-ABSA kanye ne-FNB, benze ucwaningo lwabo lokuqala ku-tollgate. Bapequlule amadokodo kwatholakala umshini wokushushuluza oholele ekuboshweni komsolwa. Umsolwa ubemataniswa namanye amacala enzeke eLeslie, Secunda naseNelspruit ngo-Ephreli 2016, naseHazywiew ngoMeyi 2016.
UMotaung uzodonsa iminyaka engu-12 ebhadla ejele ngemuva kokulahlwa ngamacala angu-366 ahlanganisa ukwakha itulo lokwephula umthetho, ukutholakala nezinsiza ezisohlwini, ukusebenzisa uhlelo lwekhompyutha ngokungemthetho, ukungenelela ngokungemthetho kwezokuxhumana, i-Counterfeit Goods Act, ukukhwabanisa nokweba.
Inhloko yoKlebe esiFundazweni uMajor General Gerber ushayele ihlombe abaphenyi kanye nethimba labashushisi ngokuqinisekisa ukuthi abasolwa bathola isigwebo esifanele esizoba yisithiyo kwabanye abaqola