ISIFUNDA SASE-GERT SIBANDE SIBAMBE ISONTO LEMIBUKISO YEMISEBENZI KUBAFUNDI EMKHAKHENI EYAHLUKENE
EZOMPHAKATHI
UMnyango wezoLimo, ukuThuthukiswa kweziNdawo zaseMakhaya, ezoMhlaba nezeMvelo (Dardlea) usanda kuhlanganyela embukisweni othathe isonto lonke wokuziphilisa owenziwe uMasipala wesiFunda i-Gert Sibande.
Abafundi ngosuku lombukiso wemisebenzi.
Inhloso yalombukiso bekuwukunikeza abafundi ithuba lokuhlola izindlela zemisebenzi eyahlukene, baxhumanise izigaba zabo zokufunda nomhlaba wangempela kanye nokuthola isiqondiso ngamathuba anikezwa izikhungo ezahlukene zikahulumeni nezizimele, okuhlanganisa nezinhlelo zemifundaze ezifinyelelekayo.
Lo mbukiso ubugxile kuGrade 11 no-12 wezikole zamabanga aphezulu ezingaphansi kukaMasipala waseMsukaligwa.
“Eminye iminyango yezokuthuthukiswa kwabasebenzi, eyezilwane, eyelebhu yomhlabathi kanye nezikhulu zezinhlelo zolwazi ngokwendawo zithathe ukunaka kanye nokuthakasela kwabafundi ngezinkulumo ezimayelana namakhono ayivelakancane emisebenzi yezolimo efana nesayensi yezilwane, izifundo zemvelo, ezempilo yezilwane, ezasemanzini, ezobunjiniyela bezolimo, amadlelo. isayensi nomhlabathi,” kusho umkhulumeli kaDardlea, uZanele Shabangu