KUBOSHWE ABANTU ABANE OKUHLANGANISA NOWESIFAZANE OYEDWA NGECALA LOKUTHOLAKALA NESIBHAMU ESEBIWE EMPUMALANGA
EZOMPHAKATHI
Amaphoyisa aseTonga, eMpumalanga enze "intuthuko enkulu" ngokubopha abantu abasolwa ngokubandakanyeka ekushushumbiseni izimoto emngceleni.
Kuphinde kwatholakala isibhamu samaphoyisa okubikwa ukuthi sebiwe eDennilton, eLimpopo, ngesikhathi seqa isiboshwa esitokisini esisemthethweni ngoJanuary.
"Abasolwa baboshwe ezintatha zangoLwesithathu ngezithuba zabo-02:00”kusho okhulumela amaphoyisa eMpumalanga uBrigadier Mohlala.
"Amaphoyisa abezulazula endaweni ngesikhathi ebona imoto esolisayo yohlobo IweToyota Fortuner ipake endlini yezivakashi.
Amaphoyisa abeqaphile anquma ukuqala uphenyo," kusho uMohlala uthe Uphenyo lokuqala luveze ukuthi iToyota Fortuner ishiywe ngabesilisa ababili
abangaziwa. Nokho bekukhona izithandani ebezibhukhe endlini eyodwa yezivakashi ebezihamba nalaba abesilisa ababili”
Kuphinde kwavela ukuthi izithandani ebezingaphakathi endlini yezivakashi bezihamba ngemoto yohlobo lweVolkswagen Polo nayo ipakwe emagcekeni.
"Amaphoyisa ayibonile iVW Polo izinsolo zawo zaholela ekutheni enze olunye uphenyo ngalezi zithandani. Amaphoyisa angqongqoze ekamelweni elabelwe
izithandani, umsolwa wesilisa
wavula umnyango. Kuthe uma ebona amaphoyisa, umsolwa wabaleka egunjini abeqashe kulo amaphoyisa amjaha" kusho uMohlala.
"Kusolakala ukuthi umsolwa uqale ukudubula ebhekise emaphoyiseni abe esedubula.
Ubenenxeba lokudutshulwa ethangeni langakwesokudla kanti ubesaphethe isibhamu ngesandla sokudla."
Kubizwe i-ambulensi endaweni yesigameko, umsolwa waphuthunyiswa esibhedlela iTonga ukuze athole ukwelashwa.
"Amalungu abuyele endlini yezivakashi eyosesha egumbini obekulele kulo umsolwa. Athola owesifazane oneminyaka engu-30 ozibize ngomnikazi wePolo," kusho uMohlala.
"Izisho zakhe azizange zivimbe amalungu azinikele ekwenzeni uphenyo ngemoto okutholakale ukuthi yebiwe.
"Lo wesifazane ube
eseboshelwa ukutholakala nemoto okusolakala ukuthi yebiwe. Owesifazane osekhoneni ukwazile ukuhlonza indlu yezivakashi lapho okuhlala khona abanye abasolwa.
"Amaphoyisa aqonde endlini yezivakashi ehlonziwe lapho kutholwe khona abasolwa ababili abaneminyaka engu-31 no-37 nokhiye beToyota Fortuner." kusho uMohlala. ''Bobabili bayiswe endlini yezivakashi bayovula iToyota Fortuner. Uma kuqhubeka uphenyo, imoto iphinde yatholakala ukuthi yebiwe.
Bobabili abasolwa baboshwa.
IToyota Fortuner neVolkswagen Polo kubikwa ukuthi zebiwe eWitbank.