KUBOSHWE ABASOLWA ABAYISHUMI(10) ABATHOLAKALE NEZIBHAMU EZIYISIKHOMBISA(7)
EZOMPHAKATHI
Amaphoyisa avela kuzinhlaka ezahlukene ze-SAPS eMpumalanga abe nomkhankaso oholele ekuboshweni kwabasolwa abayishumi (10) kanye nokutholwa kwezibhamu zokuzingela ezintathu, isibhamu esisodwa namavolovolo amathathu kanye nezinhlamvu.Labasolwa baboshwe eMiddelburg ngoLwesihlanu,ngomhlaka 10 March 2023.
Leli thimba lamaphoyisa lihlanganisa amalungu eTactical Response Team (TRT) eWitbank, Mpumalanga Tracking Team, Middelburg Flying Squad, Middelburg K9 Unit, amalungu eWitbank Trio Crime Detective, kanye namalungu eCrime Intelligence eWitbank.
Kulomkhankaso wamaphoyisa owenziwa kuSifundazwe iMpumalanga amaphoyisa athole amanye amacala okubulala, ukuzama ukubulala, ukugebenga amabhizinisi, ukugebenga ezindlini, ukuduna izimoto, ukuqhunyiswa kwama-ATM
Kusukela ngo-10h00 ekuseni ngolwesihlanu mhla zingu 10 March 2023 amalungu eSAPS aqale umkhankaso abopha abasolwa abathathu athola nesibhamu esingekho emthethweni. Lokhu kulandelwe wukuboshwa kwalaba abayisikhombisa ababoshwe ngokulandelana kwabo ngezikhathi ezahlukene nasezindaweni ezahlukene. Izibhamu ezinezinhlamvu zithathwe kubasolwa.
Abasolwa babekwe amacala ahlukene okubalwa awokubulala, ukuphanga kuhlonyiwe, ukugebenga amabhizinisi, ukutholakala nezibhamu nezinhlamvu okungekho emthethweni, ukutholakala nempahla okusolakala ukuthi yebiwe.
Ezinye zezinto ezitholwe kubasolwa kubalwa omakhalekhukhwini ababili abathathwe kwabashonile okusolakala ukuthi bagetshengwa babulawa kabuhlungu.
Kulomkhankaso wamaphoyisa kuphinde kwathokala omunye ongeniswe esibhedlela ngemuva kokudutshulwa kusolakala ukuthi wenza ubugebengu nokutholakale ukuthi esibhedlela ubesebenzise igama elingelona iqiniso. Naye akakwazanga ukubaleka njengoba eboshwe yileli thimba lamaphoyisa ngemuva kokuthola ukuthi ungubani Lo msolwa angase aphinde abhekane namanye amacala okukhwabanisa, imininingwane engalona iqiniso ayinikeze izikhulu zesibhedlela njengoba uphenyo lusaqhubeka.
Abasolwa abayisishagalolunye (9) kulindeleke ukuba bavele eNkantolo yeMantshi yaseMiddelburg, ngoMsombuluko ngomhlaka 13 March 2023 bebhekene namacala ahlukene kanti umsolwa weshumi uzovela enkantolo maduze nje uma eseluleme.