KUQOKWE UMISS MPUMALANGA OMUSHA OPHUMA KUMASIPALA ITHEMBISILE HANI.
EZOMPHAKATHI
Ophuma kuMasipala Wendawo iThembisile Hani, uBokamoso Machika usanda kuqokwa njengoMiss Mpumalanga 2023.
Umbukiso we-13th Crowning Miss Mpumalanga ubuse-AFM Communio Church ngoMgqibelo mhlaka-1 Ephreli.
Unobuhle oneminyaka engu-21 ubudala akagcinanga ngokuphuma nesicoco kuphela, kodwa wahlohla nemoto entsha ceke yohlobo lweVW Polo nezinye izinto ezimnandi.
Uthatha induku kuMiss Mpumalanga 2022, uLungile Fakude, owathatha uhambo lwakhe lokugcina eyindlovukazi yaseMpumalanga.
Omunye wabathathu abahambe noMachika nguSinenhlanhla Sikhosana ophuma kuMasipala waseGoven Mbeki, ophume isibili. Ophume isibili nguReitumeitse Mokoena ophuma kuMasipala wendawo waseBushbuckridge.
Bekunenqwaba yezikaqedisizungu njengoba kunandisa izingoma ezishisa izikhotha ethi ‘Hamba Wena’ uBoohle nezihlabani zaseMpumalanga uKarabo, Phumla Music nePassion Master.