UTHOLELE AMANXEBA OKUSHA OWESILISA NGEMUVA KOKUQHUMA KWEMOTO EMBOMBELA
EZOMPHAKATHI
Owesilisa osekhulile uphuthunyiswe esibhedlela iRob Ferreira enamanxeba okushile ebusweni ngemuva kokuqhuma okuncane ngesikhathi engaphakathi emotweni yakhe, emi eduze kwesitolo esikuFerreira Street ngoLwesithathu ekuseni ngomhlaka-17 Meyi.
Owesilisa ube namanxeba okusha ebusweni ngemuva kokuqhuma okuncane emotweni yakhe ngesikhathi ipake eduze kwesitolo esikuFerreira Street.
Okhulumela abezimo eziphuthumayo bakwa-ER24 uRussel Meiring uthe kukholakala ukuthi igesi ephuma kusilinda evuzayo ngaphakathi emotweni yavutha ngesikhathi indoda ilayitha ugwayi.
Abezimo eziphuthumayo bakwa-ER24 babizwe ngezithuba zabo-07:00 bathola lo mlisa ehamba endaweni yesigameko.
Ulashwe abosizo lokuqala ngaphambi kokuba aphuthunyiswe esibhedlela ukuze aqhubeke nokwelashwa. Okhulumela amaphoyisa esifundazweni, uColonel Donald Mdhluli, uthe amaphoyisa endawo abengakayitholi imibiko ngalesi sigameko.