UVELE ENKANTOLO NGELOKUTHUMBA INGANE
EZOMPHAKATHI
UVELE eNkantolo owesifazane osolwa ngokuthumba ingane. Owesifazane ohlonzwe njengo Phindile Chata, 40 ubudala uvele ngaphambi kweNkantolo yesiFunda yase-Evander ngoFebhuwari 22 ngecala lokuthumba ingane. Kanti lowesifazane waboshwa eminyakeni emibili edlule ngezinsolo zokuthumba ingane olusanda kuzalwa. Ngokombiko wamaphoyisa, umsolwa ngomhla zingu-28 ku- Okthoba ngonyaka ka 2021, wazethula kunina wosana erenki yamatekisi yendawo.
Uthe ungusonhlalakahle osiza omama abasebancane abangasebenzi. Kuthiwa lona wesifazane wabe esethumela unina wengane ukuba ayozithengela ukudla esitolo esiseduze ngesikhathi umsolwa embukele usana. Ngesikhathi umama ebuya esitolo wathola ukuthi umsolwa unyamalale nengane yakhe. Umama wase ubikela amaphoyisa ngalolu daba kwabe sekuqala uphenyo ngokushesha. Amaphoyisa enze uphenyo oluwaholele emzini ose-Ext 5 eMbalenhle lapho kwatholwa khona ingane ebithunjiwe nomsolwa bengaphakathi endlini.
Umsolwa ubese waboshwa khona lapho, wavela enkantolo mayelana necala lokuthumba. Ngesikhathi efaka isicelo sebheyili, lona wesifazane ukuphikile ukuthi wathumba ingane. Utshele inkantolo ukuthi banesivumelwano yena nomama wengane njengoba kuvezala ukuthi ubesafunda iskole. Umsolwa ichazwe njengoyingozi yendiza engabeka icala engozini uma inikezwa ibheyili. Kanti uzophinde avele eNkantolo efanayo ngomhlaziyishumi nesthupha (16) ku-Mashi 2023 ukuze agwetshwe.